हाईलाइफ एग्रो एण्ड फुड्सले आईपीओ निष्कासन गर्ने, साधारण सभा आह्वान

काठमाण्डौ । हाईलाइफ एग्रो एण्ड फुड्स इन्डष्ट्रिज लिमिटेडले आईपीओ निष्कासनको प्रस्ताव पारित गर्न साधारण सभाको मिति तय गरेको छ । कम्पनीको पुस ४ गते बसेको सञ्चालक समितिको बैठकले साधारण सभा डाकेको हो ।  

उक्त सभा आगामी पुस २८ गते काठमाण्डौको बुढानिलकण्ठमा रहेको होटल लेमन ट्रीमा दिनको ४ बजेदेखि सुरु हुनेछ । सभामा आईपीओ निष्कासन गर्ने, कम्पनीको प्रबन्धपत्र तथा नियमावली संशोधन गर्ने र नियमनकारी निकायबाट कुनै संशोधन गर्न प्रस्ताव भएमा सोही बमोजिम गर्न सञ्चालक समितिलाई पूर्ण अख्तियारी प्रदान गर्ने विशेष प्रस्ताव पारित गरिनेछ ।  

यस्तै गत आवको वित्तीय विवरणहरु पारित गरिनुका साथै सञ्चालकको नियुक्ती अनुमोदन गर्ने र स्वतन्त्र सञ्चालकको नियुक्ती गर्ने प्रस्ताव समेत पारित गरिनेछ ।