सेरेसबाट धूँवाको मुस्लो निस्किएको घटनाबारे बितरकको दाबी-'अनधिकृत ठाउँमा मर्मत गर्दाको परिणाम'

काठमाण्डौ । सोमबार बिहान विद्युतीय इभी एसयूभी सेरेसको एउटा गाडीबाट निस्किएको धूँवाको मुस्लाको विषयमा नेपालको आधिकारिक बिक्रेताले आफ्नो धारणा सार्वजनिक गरेको छ ।  

नेपालका लागि सेरेसको आधिकारिक बितरक एमएडब्ल्यू भृद्धिले सो घटनाबारे आफ्नो धारणा सार्वजनिक गरेको हो ।  

कम्पनीले सो इभीमा प्राविधिक खराबीको कारण धूँवा निस्किएको दाबी गरेको छ । 

गाडीमा देखिने नियमित प्राविधिक समस्या अन्त समाधान नभएपछि सर्भिस सेन्टरमा ल्याइएको उक्त गाडीमा शर्ट सर्किट भएर धूँवा डिस्चार्ज भएको थियो । कम्पनीले भनेको छः उक्त गाडी विगतमा अनधिकृत सेवाकेन्द्रहरूमार्फत मर्मतसम्भार गरिएको हुनसक्ने र त्यसैका कारण प्राविधिक खराबी उत्पन्न भएको प्रारम्भिक अनुसन्धानले देखाएको छ।

धूँवाको मुस्लो निस्किएपछि दौरान सुरक्षा सतर्कताका निम्ति कम्पनीले सक्रियतापूर्वक स्थितिलाई नियन्त्रण लिइएको कम्पनीले जनाएको छ।

कम्पनीको प्रारम्भिक अनुसन्धानअनुसार गाडीको ब्याट्री र मोटर दुवैमा क्षति नभएका कारण कुनै समस्या देखिएको छैन भने यसमा थप अनुसन्धान भने भइरहेको छ। कम्पनीले भनेको छ ।