(1).gif)
(2).gif)
_(1).gif)
.png)
काठमाण्डौ । नेपाल भ्रमणमा आज आएको मलेसिया नेपाल बिजनेश काउन्सिलले ब्यापार सहजीकरण एवं लगानी अभिवृद्धिबारे नेपाल चेम्बर अफ कमर्स एनसीसीसँग छलफल गरेको छ । काठमाण्डौको जमलस्थित चेम्बर भवनमा आयोजित कार्यक्रममा अध्यक्ष कमलेश कुमार अग्रवाल सहितको पदाधिकारी टोली र मलेसिया नेपाल बिजनेश काउन्सिलको प्रतिनिधी मण्डलबीच दुई मुलुकबीचको आर्थिक सम्वन्ध, रोजगारी अभिवृद्धि, थप लगानी विस्तार लगायतका विषयमा सहकार्य गर्नेबारे छलफल भएको हो ।
मलेसिया नेपाल बिजनेश काउन्सिलका अध्यक्ष प्रदिप कुमार कुकरेजा सहितको टोलीले नेपाल भ्रमणका क्रममा चेम्बर पदाधिकारीसमक्ष दुईपक्षीय लगानी तथा व्यापार साझेदारीबारे प्रस्ताव राखेका थिए ।
.gif)
चेम्बर अध्यक्ष कमलेश कुमार अग्रवालले नेपाल र मलेशियाबीचको कुटनीतिक सम्वन्ध ६५ वर्ष भन्दा पुरानो रहेको स्मरण गर्दै व्यापार, लगानी अभिवृद्धि तथा रोजगारीको दृष्टिकोणले समेत उत्कृष्ट रहेको बताए ।
नेपालबाट मलेसियामा ५ लाख भन्दा बढी युवाहरुले रोजगारी पाईरहेको र दुई मलुकबीच सबैभन्दा धेरै हवाई सम्पर्क विस्तार भईरहेको अध्यक्ष अग्रवालले बताउनुभयो । नेपाली युवा जनशक्तिले दुवै देशको अर्थतन्त्रमा महत्वपुर्ण योगदान गरेको अध्यक्ष अग्रवालले बताए । यद्यपी मलेसियासँग नेपालको व्यापारघाटा उच्च रहेकाले यसलाई घटाउनका लागि व्यापार सहजीकरण गर्नुपर्नेमा उनले जोड दिए ।
अध्यक्ष अग्रवालले नेपालको ऊर्जा, उत्पादनमुलक उद्योग, कृषि, पर्यटन, खानी, शिक्षा तथा स्वास्थ्य क्षेत्रमा लगानी गर्न मलेसियाका उद्यमी व्यवसायीलाई आग्रह गरे । नेपाल लगानीका लागि उत्कृष्ट गन्तव्य रहेको भन्दै अध्यक्ष अग्रवालले व्यापार घाटा न्यूनिकरणका लागि नेपाली बस्तुहरुको आयात वृद्धि गर्न आग्रह गरे ।
चेम्बर पदाधिकारीहरुसँगको भेटमा मलेसिया नेपाल बिजनेश काउन्सिलका अध्यक्ष प्रदिप कुमार कुकरेजाले नेपालको पर्यटकीय क्षेत्रले आफुलाई आर्कषित गरेको बताए । उनले नेपालमा लगानीको सम्भावना देखेर नै आफुहरु आएको र व्यवसायिक वातावरण बनाउनका लागि चेम्बरसंग सहकार्य गर्न लागेको बताए ।
.png)
.jpg)
(4).jpg)
.jpg)
(1).gif)
.gif)
