(1).gif)
(2).gif)
.png)
(1).gif)
काठमाण्डौ । यो साता सेयर बजारमा ५ दिन कारोबार भयो । अघिल्लो साता पनि ५ दिन नै सेयर कारोबार भएको थियो । यो साता ५ दिनको कारोबारमा बजार ४ दिन बढ्यो भने १ दिन मात्रै घट्यो । अघिल्लो साता २ हजार ७३१.८ को विन्दुमा बन्द भएको बजार यो साता २ हजार ८७०.६३ को विन्दुमा बन्द भयो ।
यस हिसाबले यो साता नेप्सेमा १३९ अंकको सुधार आयो । अघिल्लो साता भने २८ अंकले बजार बढेको थियो । यो साता बजारमा ५९ अर्ब ६३ करोड रुपैयाँबराबरको सेयर कारोबार भएको थियो । अघिल्लो साता भने ४१ अर्ब ५८ करोडबराबरको सेयर कारोबार भएको थियो । यस हिसाबले यो साता बजारमा कारोबार र सूचक दुवैमा बढोत्तरी आयो ।
यो साता बजार बढ्दा बजार पूँजीकरण ४७ खर्ब ८३ अर्ब पुग्यो । अघिल्लो साता यस्तो बजार पूँजीकरण ४५ खर्ब ५१ अर्ब कायम थियो । यस हिसाबले यो साता बजार बढ्दा लगानीकर्ताहरुको सम्पति २ खर्ब ३२ अर्बले बढ्यो ।
प्राविधिक पक्षः
सिमेट्रिकल ट्रयाङ्गलको आधारमा
विगत एक वर्षदेखि साइडवेज चलेको बजारले यो साता एउटा दिशा निर्धारण गरेको देखिन्छ । बजारलाई सिमेट्रिकल प्याटर्नबाट नियाल्दा एक वर्षपछि यो साता अप साइड ब्रेक आउट गरेको छ । अर्थात बजारले अप साइड पुल ब्याक गरेको रुपमा पनि बुझ्न सकिन्छ । यस आधारमा कारोबारीहरुले बजारको अबको टार्गेट सेट गर्न सक्नेछन् ।
यस्तो टार्गेट सेट गर्दा डिसेन्डिङ लाइनको उच्च विन्दु र एसेन्डिङ लाइनको न्यून विन्दुको दुरी निकालिन्छ । त्यसबराबर नै ब्रेक आउटबाट दुरी नापेर नजिकको टार्गेट सेट गर्न सकिन्छ । जस्तो उदाहरणका लागि नेप्से ३ हजारको विन्दुबाट २४४० सम्म खसेर ५६० प्वन्टको दुरी बनाएको देखिन्छ ।
जसमा यो साता २७४० को विन्दुबाट अप साइड ब्रेक आउट गरको छ । अब २७४० विन्दुमा ५६० विन्दु जोड्दा बजारको अबको न्यूनतम टार्गेट करिब ३४ सयको विन्दु हुन आँउछ । यस हिसाबले बजारमा कारोबारीहरुले अबको एक वर्षभित्रमा पहिलो टार्गेट करिब ३४ सय र त्यसपछिको टार्गेट ४ हजार ६० आसपाससम्म राख्न सक्ने छन् ।
.gif)
बोलिङ्गर ब्याण्ड , म्याक्डी र आरएसआई
साप्ताहिक रुपमा बजारलाई बोलिङ्गर ब्याण्डबाट नियाल्दा लामो समय मध्य ब्याण्ड सँगै हिडेको बजारले यो साता अपर ब्याण्ड सँगै हिड्न थालेको देखिन्छ । म्याक्डीमा पनि बुलिस क्रसओभर बनाएको देखिन्छ ।
यो सँगै हिस्टोग्राम पनि सकारात्मक बन्दै गरेको देखिन्छ । आरएसआई पनि हाल ६३ को तहमा बुलिस सेन्टिमेन्टमा चलेको छ ।
पिभट् प्वइन्टः
पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ – २८५२
प्रतिरोध २ – २७८९
प्रतिरोध १– २७१०
पिभट् प्वइन्टः २६४७
घटेमा सपोर्ट
सपोर्ट १– २५६८
सपोर्ट २– २५०५
सपोर्ट ३ –२४२६
निष्कर्षः पाँच दिन कारोबार भएको यो साता सेयर बजारमा १३९ अंकको सुधार आयो । अघिल्लो साता बजारमा २८ अंकको सुधार आएको थियो । यो साता बजारमा कारोबार र सूचक दुबैमा सुधार आएको छ । स्मार्ट मनी कन्सेप्टबाट नियाल्दा अघिल्लो साता ‘इन्टरनल चेञ्ज अफ क्यारेक्टर’ भएको बजारमा यो साता एक्ट्रनल ‘चेञ्ज अफ क्यारेक्टर’ बनाएको छ ।
त्यसैगरि, सिमेट्रिकल ट्याङ्गल प्याटर्नबाट नियाल्दा बजारले एक वर्षपछि भोल्युम सहित अप साइड ब्रेक आउट गरेको देखिन्छ । साप्ताहिक चार्ट म्याक्डीमा पनि बुलिस क्रसओभर देखिन्छ । यी सबैबाट नियाल्दा बजारले प्रष्ट रुपमा बुलिस यात्रा तय गरेको बुझिन्छ ।
क्षेत्रगत रुपमा यो साताको बजारलाई नियाल्दा यो साता सबै समूहमा हरियाली छायो ।
नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।
.jpg)
.jpg)
(1).jpg)
