.gif)
(2).gif)
_(1).gif)
.png)
काठमाण्डौ । सिटिजन्स बैंक इन्टरनेशनलले बैंकमा अनवरत सेवा गरेका कर्मचारीहरुलाई दीर्घ सेवा सम्मान प्रदान गरेको छ ।
सत्र वर्ष अगाडि २०६४ साल बैशाख ७ गते कुल ४३ जना कर्मचारीबाट विधिवत बैंकिङ सेवा सुरु गरेको यो बैंकले बैंकमा अविरल १० वर्ष र १५ वर्ष सेवा प्रवाह गरेका कर्मचारीहरुलाई दीर्घ सेवा सम्मान गरेको हो ।
प्रत्येक वर्षको चैत १ गतेलाई बैंकले कर्मचारी दिन(इम्प्लोई डे)को रुपमा मनाउँदै आएको छ ।
.gif)
बैंकले सत्रौँ वर्ष पूरा गरी अठारौँ वर्षमा प्रवेश गर्न थालेको सुखद उपलक्ष्यमा एक महिने वार्षिकोत्सवसम्बन्धी कार्यक्रमहरु पनि आयोजना गरिरहेको छ । वैशाख ७ गते बैंकको वार्षिक उत्सवको दिन हो ।
बैंकको केन्द्रीय कार्यालय नारायणहिटीपथमा आयोजित एक कार्यक्रमकाबीच बैंकका प्रमुख कार्यकारी अधिकृत गणेशराज पोखरेलले बैंकमा अविरल १० वर्ष सेवा प्रवाह गरेका ४५ जना र १५ वर्ष सेवा प्रवाह गरेका १५ जना गरी कुल ६० कर्मचारीलाई क्रमशस् १० ग्राम र १५ ग्राम स्वर्णपदक तथा प्रमाणपत्रसहित ‘दीर्घ सेवा सम्मान’ प्रदान गरेका हुन् ।
बैंकमा हाल करिब १७ सय ८० कर्मचारीहरु कार्यरत छन् ।
समारोहलाई सम्बोधन गर्दै प्रमुख कार्यकारी अधिकृत पोखरेलले बैंक अहिलेको अवस्थासम्म आइपुग्नको लागि कर्मचारीको मिहिनेत, लगनशिलता, प्रतिबद्धता र जिम्मेवारीले महत्वपूर्ण भूमिका निर्वाह गरेको बताउँदै आगामी दिनमा पनि आफ्नो तर्फबाट सत्प्रतिशत योगदान दिन आग्रह गरे ।
.png)
(2).jpg)
.jpg)
(1).gif)
.gif)
