(1).gif)
(2).gif)
(1).gif)
.png)
काठमाण्डौ । बेलायत सरकारको विकास वित्त संस्था ब्रिटिश इन्टरनेशनल इन्भेस्टमेन्ट (BII) ले लक्ष्मी सनराइज बैंकलाई २ करोड ५० लाख अमेरिकी डलर (करिब रु. ३ अर्ब ३५ करोड) बराबरको कर्जा सुविधा उपलब्ध गराउने भएको छ ।
नेपालका लघु, साना तथा मझौला उद्यम (MSME) र विशेषगरी महिला नेतृत्वका व्यवसायमा वित्तीय पहुँच विस्तार गर्ने उद्देश्यसहित BII र लक्ष्मी सनराइज बैंकबीच उक्त सम्झौता सम्पन्न भएको हो ।
(2).gif)
.gif)
विश्व बैंक र नेपाल राष्ट्र बैंकको तथ्यांकअनुसार नेपालमा MSME क्षेत्रले कुल गार्हस्थ्य उत्पादन (GDP) मा २२ प्रतिशत योगदान र करिब २० लाखलाई रोजगारी दिए पनि केवल १६ प्रतिशत MSME ले मात्रै औपचारिक वित्तीय पहुँच पाएका छन् ।
सम्झौताअनुसार, उपलब्ध गराइने कुल सुविधामध्ये ३० प्रतिशत रकम महिला नेतृत्वका व्यवसायमा प्रवाह गरिनेछ ।
लक्ष्मी सनराइज बैंकले महिलाको आर्थिक सशक्तीकरणसम्बन्धी अन्तर्राष्ट्रिय पहल ‘2X Challenge’ अन्तर्गत मान्यता समेत प्राप्त गरेको छ । BII यस अभियानको संस्थापक सदस्य हो ।
BII का एसिया प्रमुख श्रीनी नागराजनले नेपाललाई आफ्नो ‘फ्रन्टियर मार्केट’ रणनीतिको महत्वपूर्ण हिस्सा भएको बताएका छन् । उनले वित्तीय पहुँचबाट बाहिर रहेका व्यवसायलाई सघाउन लक्ष्मी सनराइज बैंकसँग सहकार्य गरिएको बताएका छन् ।
(1).gif)
.gif)
लक्ष्मी सनराइज बैंकका कार्यवाहक प्रमुख कार्यकारी अधिकृत सुमेद भट्टराईले यो सहकार्यलाई समावेशी र दिगो बैंकिङतर्फको महत्वपूर्ण उपलब्धि भएको बताएका छन् ।
बैंकले आफ्नो वातावरणीय तथा सामाजिक व्यवस्थापन प्रणाली (ESMS) थप सुदृढ बनाउने प्रतिबद्धता समेत जनाएको छ ।
.gif)
(1).gif)
(2).gif)
.png)
.png)
.jpeg)
.jpg)
