बीमा अभिकर्तालाई राहत, ब्याज, थप दस्तुर तथा जरिवाना मिनाहा

काठमाण्डौ । सरकारले बीमा अभिकर्ताको लागि ब्याज, थप दस्तुर तथा जरिवाना मिनाहा सम्बन्धी विशेष व्यवस्था ल्याएको छ ।  

अर्थमन्त्रालयले आर्थिक विधेयकमार्फत बीमा अभिकर्ताले तिर्ने ब्याज वा थप दस्तुर मिनाहाको व्यवस्था गरेको हो ।  

बीमा अभिकर्ताको व्यवसाय गर्ने कुनै पनि व्यक्तिले आर्थिक वर्ष २०८२/८३ वा सो भन्दा अघि कानून बमोजिम मूल्य अभिवृद्धि कर असुल नगरेको भएमा लाग्ने कर र सो मा लाग्ने ब्याज, थप दस्तुर तथा जरिवाना मिनाहा हुने विधेयकमा उल्लेख छ ।  

साथै बीमा अभिकर्ताले कर विवरण समेत पेश गर्नुनपर्ने भएको छ ।