मौद्रिक नीति शुक्रबार साढे १ बजेसम्म ल्याउने राष्ट्र बैंकको तयारी

NEPAL RASTRA BANK
बिहीबार, श्रावण १०,२०८१ 15:51:14

काठमाण्डौ । नेपाल राष्ट्र बैंकले मौद्रिक नीति शुक्रबार दिउँसो साढे १ बजेसम्म ल्याउने तयारी गरेको छ । राष्ट्र बैंकका सहायक सूचना अधिकारी डा. भागवत आचार्यले केन्द्रीय बैंकले शुक्रबार मौद्रिक नीति ल्याउने तयारी गरेको बताएका हुन् ।

उनले अन्य कुरा यथावत रहेको खण्डमा नेपाल राष्ट्र बैंकले यहि शुक्रबार साढे १ बजेसम्म मौद्रिक नीति सार्वजनिक गर्ने तयारी भईरहेको जानकारी दिए । बिजशालासँग कुरा गर्दै आर्चायले शुक्रबार बिहान राष्ट्र बैंकको बोर्ड बैठक पनि बोलाइएको जानकारी दिए ।

नेपाल राष्ट्र बैकले अघिल्लो साता नै मौद्रिक नीति ल्याउने तयारी गरेको थियो । तर सरकारले तयारी नपुगेको भन्दै एक साताको लागि पछाडि सारको थियो । यतेबला सेयर लगानीकर्ता मौद्रिक नीतिको ब्यग्र प्रतिक्षामा छन् । सरकाले केही लचक मौद्रिक नीति ल्याउने बताईरहेकाले लगानीकर्ता पूँजीबजार र लगानीमैत्री मौद्रिक नीति आउने अपेक्षामा छन् ।

राष्ट्र राष्ट्र बैंकका गभर्नर महाप्रसाद अधिकारीले लचिलो मौद्रिक नीति ल्याउने सङ्केत गरेका छन् भने अर्थमन्त्री विष्णुप्रसाद पौडेलले पनि अहिलेको अभावलाई सम्बोधन गर्ने गरी मौद्रिक नीति आउने बताउँदै आएका छन् ।