१.१३ अर्ब डलरबराबरको चिठ्ठामा ९ महिनापछि पर्यो दाबी

काठमाण्डौ । अमेरिकामा १ अर्ब १३ करोड डलरबराबरको चिठ्ठामा करिब ९ महिनापछि दाबी परेको छ । चिठ्ठा खुलेको ९ महिनापछि दाबी परेको न्यू जर्सी लर्टीले जनाएको छ ।  

चिठ्ठा प्रदान गर्ने कम्पनीका अनुसार यो चिठ्ठा राशी ३ दशक लामो इतिहासकै पाचौं ठूलो हो । यो चिठ्ठा गत मार्च २६ मा खुलाइएको थियो ।

अन्य चिठ्ठा विजेता जस्तै यो चिठ्ठाका विजेताले पनि कर काटेर पाइने ५३ करोड ७५ लाख डलर लाने इच्छा व्यक्त गरेको लट्री अधिकारीहरुले बताएका छन् ।  

चिठ्ठा विजेताको पहिचान भने गोप्य राखिएको छ । चिठ्ठा दाबी गर्न एक वर्षको समय हुने भएकाले ढिलागरी दाबी आउनु सामान्य भएको अधिकारीहरुले बताएका छन् ।