आज ललितपुरमा यी स्थानमा बिजुली काटिने

काठमाण्डौ । आज ललितपुरका विभिन्न स्थानमा आज बिजुली कटौती हुने भएको छ। नेपाल विद्युत् प्राधिकरणले एक सूचना जारी गर्दै बिजुलीको खम्बा परिवर्तन गर्ने प्रयोजनका लागि आज ललितपुरका विभिन्न स्थानमा बिहान साढे ९ बजेदेखि ४ बजेसम्म बिजुलीको लाइन काटिने जनाएको हो ।  

प्राधिकरणका अनुसार पुल्चोक वितरण केन्द्रको पुलचोक फिडरअन्तर्गत पर्ने इटी, महापाल, पाटन दरबार, बङ्गलामुखी, शंखमूल, पाटनढोका, मङ्गलबजार, छवाल क्षेत्रमा बिजुली कटौती हुनेछ ।

बिजुली कटौतीका कारण ग्राहकवर्गमा पर्न गएको असुविधाप्रति प्राधिकरणले क्षमायाचना गरेको छ । तोकिएको कार्य समयअगावै सम्पन्न भएको खण्डमा निर्धारित समयसीमाभन्दा पहिल्यै बिजुली आउने सूचनामा उल्लेख छ ।