.gif)
(1).gif)
(2).gif)
(1).gif)
.png)
काठमाण्डौ । नेशनल लाईफ इन्स्योरेन्स कम्पनी ३६ औं वर्ष पुरा गरी ३७ औं वर्षमा प्रवेश गरेको छ ।
कम्पनीले आफ्नो ३७ औं वार्षिकोत्सव विभिन्न कार्यक्रमहरु आयोजना गरी मनाएको छ । कम्पनीको केन्द्रीय कार्यालय लाजिम्पाट, काठमाण्डौंमा रक्तदान कार्यक्रम सञ्चालन गरिएको कम्पनीले जनाएको छ । उक्त कार्यक्रममा कम्पनीका ५० भन्दा बढी कर्मचारीहरुको सहभागिता रहेको थियो ।
यसका साथै देशभरमा ५३ वटा बाल र बृद्ध आश्रमहरुमा खाना खुवाउने कार्यक्रम आयोजना सम्पन्न गरिएको कम्पनीले जनाएको छ । कम्पनीले अपाङ्गता संरक्षण नेपालको सहायतामा १२३ जना दृष्टिविहिन व्यक्तिहरुलाई सेतो छडि वितरण गरेको छ ।
.gif)
.gif)
कम्पनीले चालु वर्षमा राम्रो ब्यवसायिक प्रगति गरेको छ । संस्थापक समूह र सर्वसाधारण समूहको ५५ः४५ को अनुपात रहेको यस कम्पनीले आर्थिक वर्ष २०७८/०७९को मुनाफावाट सेयरधनीहरुलाई ८ प्रतिशत बोनस सेयर तथा ६.५ प्रतिशत नगद लाभांश र बोनस सेयरमा कर प्रयोजनको लागि थप नगद लाभांश पारित गरी साधारण सभा सम्पन्न गरी सकेको छ । कम्पनीको जीवन बीमा कोषको आकार.७१ अर्ब हाराहरीमा छ । आर्थिक वर्ष २०७८/०७९ बोनस सेयर वितरण पछि कम्पनीको चुक्तापूँजी ५अर्ब १ करोड रुपैयाँ रहेको छ ।
कम्पनीले बीमितहरुलाई उत्कृष्ट बोनस दर प्रदान गर्दै आएको छ । आव २०७८/०७९ को बीमाङ्कीय मूल्याङ्कनपश्चात बीमितलाई न्यूनतम प्रति हजार ६३ रुपैयाँ देखि अधिकतम प्रतिहजार ८५ रुपैयाँ सम्म प्रदान गरेको कम्पनीले उल्लेख गरेको छं ।
कम्पनीको ११७ शाखा कार्यालय र ५०० कर्मचारी रहेको कम्पनीमा १ लाखभन्दा बढी अभिकर्ता कार्यरत रहेका छन् ।
कम्पनीले स्थापनाकाल देखि २०८० सालपौष मसान्त सम्म कूल बीमाशुल्क आम्दानी रु.१०२ अरब ३० करोड आर्जन गरेको छ । कम्पनीले यो अवधिसम्म कुल ४५ लाख ५६ हजार बीमालेख जारी गरेको छ र कुल रु.३७ अरब ४९ करोडबराबर बीमा दावी भुक्तानी गरेको छ ।
.png)
.jpg)
(2).jpg)
.jpg)
.jpg)
