(1).gif)
(2).gif)
.jpg)
(1).gif)
.png)
काठमाण्डौ । अमेरिकी टेक कम्पनी एनभिडियाका प्रमुख कार्यकारी अधिकृत(सीईओ) जानसेन हुवाङले एकैपटक ७५ हजार कित्ता सेयर बिक्री गरेका छन् । हुवाङले कम्पनीको १२.९४ मिलियन डलरबराबरको ७५ हजार कित्ता सेयर बिक्री गरेको युएस सेक्युरिटिज एण्ड एक्सचेञ्ज कमिशनले जनाएको छ ।
यो बिक्री हुवाङले गत मार्च महिनामा अपनाएको योजनाको हिस्सा हो । हुवाङले कम्पनीको ६० लाख कित्ता सेयर बिक्री गर्ने योजना बनाएका छन् । गत सातापनि उनले ३७ मिलियन डलरबराबरको २ लाख २५ हजार कित्ता सेयर बिक्री गरेका थिए ।
.gif)
एआईको मागमा आएको उछाल र ग्राफिक्स प्रोसेसिङ युनिटको व्यवसायमा देखिएको सुधारका कारण हुवाङको सम्पत्ति वृद्धि हुनुका साथै एनभिडियाको बजार पूँजीकरण ४ ट्रिलियन डलर नाघेको छ । यसले कम्पनीलाई विश्वकै मूल्यवान कम्पनी बनाएको छ ।
ट्रम्प प्रशासनले निर्यातका लागि अनुमति दिने बताएसँगै एनभिडियाले गत साता चीनमा छिट्टै एच२० चिपको बिक्री पुनःसुचारु गर्ने घोषणा गरेको थियो । अमेरिकी अधिकारीहरुले चिनियाँ बजारमा चीप निर्यात गर्न एनभिडियालाई विशेष अन्ुमतिको आवश्यकता पर्ने बताएका छन् ।
.png)
.jpg)
.jpg)
.jpg)
