धौलागिरी लघुवित्तको निमित्त सीइओको जिम्मेवारी हेमराज जोशीलाई

काठमाण्डौ । धौलागिरी लघुवित्त वित्तीय संस्था लिमिटेडको निमित्त प्रमुख कार्यकारी अधिकृतको जिम्मेवारी संस्थामा कार्यरत प्रबन्धक हेमराज जोशीले पाएका छन् ।  

संस्थाका प्रमुख कार्यकारी अधिकृत शिवराम जोशीले चैत ९ गते पदबाट राजिनामा दिएका कारण निमित्त सीइओको जिम्मेवारी हेमराजले पाएका हुन् ।  

शिवरामले दिएको राजिनामा संस्थाको चैत ११ गते बसेको संचालक समितिको बैठकले सोही मितिदेखि नै लागू हुनेगरी स्वीकृत गरिसकेको छ ।

साथै सोही मितिदेखि नै लागू हुने गरी निमित्त सीइओको जिम्मेवारी अर्को व्यवस्था नभएसम्मका लागि हेमराजलाई दिइएको हो ।