(1).gif)
(1).gif)
.gif)
(3).gif)
.jpg)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक ०.९५ प्रतिशत अर्थात १९.८९ अंकले घटेर २०६९.५३ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.०४ प्रतिशतले घटेर ३७०.१९ विन्दुमा झरेको छ । यो दिन नेप्सेमा सूचीकृत मध्ये ३११ वटा कम्पनीको ९८ लाख ६४ हजार ४८२ कित्ता सेयर ४ अर्ब २१ करोड ७४ लाख रुपैयाँभन्दा बढीको कारोबार भएको छ ।
आजको बजारबारे अर्थशास्त्री सूर्यनारायण पौडेल भन्छन्, ‘बजेटमा पूँजी बजारको विषयमा नयाँ कुरा नआएका कारण लगानीकर्ता निरुत्साहित हुँदा हिजो–आज बजार घट्न पुगेको हो । यसका साथै अघिल्लो साता बढेको बैंकिङ क्षेत्रमा नाफा बुक भएका कारण पनि बजार घट्न पुगेको हो ।’
बजारमा अल्पकालिन लगानीकर्ता हाबी भएका कारण समेत बजार ओरालो लागेको पौडेलले बताए । यद्यपी यो करेक्सनलाई रिट्रेस्मेन्ट वा नाफा बुक मात्रै मान्न सकिने र २०५० भन्दा माथि बाटै बजार फर्कने विश्वास उनले व्यक्त गरे ।
अर्का बजार जानकार नीमानन्द कंडेलले लगानीकर्ताले आशा गरेजस्तो बजेटमा नै अन्तिम कर भनेर घोषणा नहुनु, बैंकिङ क्षेत्रमा करेक्सन आउनु र मौद्रिक नीतिको विषयको पनि लगानीकर्ता ढुक्क हुन नसक्नु र अस्थिर सरकारका कारण बजार घटेको बताउँछन् ।
तर आगामी दिनमा बैंक तथा लघुवित्तले लाभांश दिन सक्ने भएकाले पूँजी बजार सम्हालिने कंडेलले दाबी गरे ।
यो दिन नेप्सेमा सूचीकृत १३ वटा समूहमध्ये ३ वटा समूहमा हरियाली छायो भने अन्य १० वटा समूहमा रातो पोतियो । आज उत्पादन तथा प्रशोधन समूह १.२३, हाईड्रो ०.४९ र वित्त समूह ०.१५ प्रतिशतले बढ्यो ।
आज होटल समूहमा सबैभन्दा धेरै गिरावट आयो । यो समूह आज २.५३ प्रतिशतले घट्यो ।
त्यस्तै आज बैंकिङ समूह १.७२ प्रतिशत, विकास बैंक ०.९७,लगानी १.१७,जीवन बीमा १.१३,लघुवित्त १.९६,म्युचुअल फण्ड ०.३२,निर्जीवन बीमा १.०७,अन्य ०.८१ र व्यापार समूह ०.३३ प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल फाइनान्सको सर्वाधिक सेयर कारोबार भयो । आज यो कम्पनीको १९ करोड ४५ लाख बढीको सेयर कारोबार भयो । आज ङादी ग्रुप पावरको १६५ करोड ३० लाख,जानकी फाइनान्सको १३ करोड ६० लाख र सिईडिबि हाईड्रोको १२ करोड ३ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज ५ वटा कम्पनीको सेयरमूल्यमा सकारात्मक सर्किट लाग्यो । नेपाल फाइनान्स,अपर लोहरे खोला,भगवति हाईड्रोपावर,मनकामना इन्जिनियरिङ र युनिलिभर नेपालको सेयरमूल्यमा सकारात्मक सर्किट लाग्यो ।
यस्तै आज ग्रिन भेन्चर लिमिटेडको सेयरमूल्य ६.९० प्रतिशत,सुपर माई हाईड्रोको ६.०४ र अपर स्याङगेको सेयरमूल्य ५.३५ प्रतिशतले बढ्यो ।
यो दिन पोखरा फाइनान्सको सेयरमूल्य सबैभन्दा धेरै अर्थात १० प्रतिशतले घट्यो । कालिञ्चोक दर्शनको सेयरमूल्य ७.०८ प्रतिशतले घटेको आज बाराही हाईड्रोको ६.७४ र नेपाल वेयरहाउजिङको सेयरमूल्य ५.९६ प्रतिशतले घट्यो ।
(1).gif)
(2).gif)
(2).gif)
.png)
.gif)
.jpg)
.jpg)
.jpg)
.png)
