सोलार फार्मले अघि बढायो आईपीओको प्रक्रिया, सेबोनसँग अनुमति माग

काठमाण्डौ । सोलार फार्म लिमिटेडले आईपीओ निष्कासनको प्रक्रिया अघि बढाएको छ । कम्पनीले आईपीओ निष्कासनको अनुमति माग गर्दै नेपाल धितोपत्र बोर्ड(सेबोन)मा आवेदन दिएको छ ।  

कम्पनीले वैशाख ७ गते सेबोनमा आवेदन दिएको हो ।  

कम्पनीले सेबोनमा बुझाएको आवेदनमा १९ करोड २८ लाख ५७ हजार २ सय रुपैयाँबराबरको रु.१०० अंकित दरका १९ लाख २८ हजार ५७२ कित्ता सेयर निष्कासनको माग गरिएको छ । सेबोनले स्वीकृती दिएसँगै कम्पनीले आम सर्वसाधारणमा उक्त परिमाणको आईपीओ जारी गर्नेछ ।  

कम्पनीले आईपीओ निष्कासन प्रयोजनका लागि कुमारी क्यापिटललाई धितोपत्र निष्कासन तथा बिक्री प्रबन्धकमा नियुक्त गरिसकेको छ । यो कम्पनीलाई सेबोनले अन्य समूहमा राखेको छ ।