सिटिजन लाइफको नाफा २७% ले वृद्धि, रिटेन्ड अर्निङ ७२.२१ करोड

काठमाण्डौ । सिटिजन लाइफ इन्स्योरेन्स कम्पनी लिमिटेडले चालु आवको तेस्रो त्रैमाससम्मको अपरिष्कृत वित्तीय विवरण सार्वजनिक गरेको छ । जसअनुसार कम्पनीले ३५ करोड ७६ लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा २७.१४ प्रतिशतले बढी हो । अघिल्लो आवको तेस्रो त्रैमाससम्ममा कम्पनीले २८ करोड १३ लाख रुपैयाँ खुद नाफा आर्जन गरेको थियो।    

कम्पनीको खुद बीमाशुल्क आर्जन पनि २०.६७ प्रतिशतले बढेको छ । तेस्रो त्रैमाससम्म कम्पनीले ४ अर्ब ८१ करोड रुपैयाँबराबरको खुद बीमाशुल्क आर्जन गरेको छ । अघिल्लो आवमा कम्पनीले ३ अर्ब ९९ करोड रुपैयाँबराबरको खुद बीमाशुल्क आर्जन गरेको थियो ।  

यस्तै अघिल्लो आवमा ५ अर्ब २१ करोड रहेको कुल आम्दानी बढेर ६ अर्ब ३१ करोड पुगेको छ । समीक्षा अवधिमा कम्पनीले ४ अर्ब ८१ करोड रुपैयाँ खुद दाबी भुक्तानी गरेको छ। यो रकम अघिल्लो आवको तुलनामा २०.६७ प्रतिशतले बढी हो ।  

कम्पनीले समीक्षा अवधिसम्म ५ अर्ब ९६ करोड रुपैयाँबराबरको कुल खर्च गरेको छ। अघिल्लो वर्ष कम्पनीको खर्च ४ अर्ब ९३ करोड रुपैयाँ थियो। कम्पनीको महाविपत्ती कोषको आकार २१ करोड १२ लाख रुपैयाँबराबर रहेको छ । कम्पनीको रिटेन्ड अर्निङको आकार ७२ करोड २१ लाखबाट बढेर ९८ करोड ४५ लाख पुगेको छ ।  

समीक्षा अवधिसम्म कम्पनीको प्रतिसेयर आम्दानी(ईपीएस) ९.५४ रुपैयाँ, प्रतिसेयर नेटवर्थ १४६.९१ रुपैयाँ,प्रतिसेयर कुल सम्पत्तिको मूल्य ५१९.१४ रुपैयाँ र पीई अनुपात ५२.१६ गुणा कायम भएको छ ।