(1).gif)
(2).gif)
(1).jpg)
(1).gif)
.png)
काठमाण्डौ । सरकारले यस आर्थिक वर्षको पहिलो महिनामा पूँजी बजारबाट २ अर्ब १५ करोड ७५ लाख ६९ हजार रुपैयाँबराबरको राजश्व संकलन गरेको छ । सीडीएससीले दिएको तथ्यांकअनुसार सरकारले संकलन गरेको यो रकम अघिल्लो आर्थिक वर्षको तुलनामा भने कम हो । अघिल्लो आर्थिक वर्षमा सरकारले साउन महिनामा करिब ४ अर्ब २४ करोड रुपैयाँ राजश्व संकलन गरेको थियो ।
चालु आवको पहिलो महिनामा सबैभन्दा बढी कर तिर्नेमा अल्पकालिन कारोबारी देखिएका छन् । यो अवधिमा अल्पकालिन लगानीकर्ताहरुले १ अर्ब २१ करोड ४१ लाख रुपैैयाँबराबरको कर तिरेका छन् भने दीर्घकालिन लगानीकर्ताहरुले ६५ करोड २ लाख तिरका छन् ।
.gif)
.gif)
यस अवधिमा संस्थागत लगानीकर्ताहरुले २९ करोड ३१ लाख कर तिरेका छन् । गत महिना २ अर्ब बढी राजश्व उठ्नुको कारण पूँजीबजार चलायमान हुनु तथा प्राथमिक सेयरको निष्कासन दोस्रो बजारमा आएसँगै लगानीकर्ताले सेयर बेच्नु हो ।
धितोपत्र ऐनअनुसार एक वर्ष भन्दा कम समय अवधिमा सेयर बेच्नेलाई अल्पकालिन र एक वर्षभन्दा बढी समय अवधिमा सेयर बेच्नेलाई दीर्घकालिन लगानीकर्ता भनेर छुट्टाइएको छ । जसअनुसार अल्पकालिन लगानीकर्ताले ७.५ प्रतिशत र दीर्घकालिन लगानीकर्ताले ५ प्रतिशत कर तिर्दै आएका छन् । संस्थागत लगानीकर्ताहरुले भने हाल १० प्रतिशत कर तिर्दै आएका छन् ।
.png)
(232).jpg)
.jpg)
(20).jpg)
.png)
