.gif)
(2).gif)
_(1).gif)
.png)
काठमाण्डौ । मैलुङ खोला जलविद्युत कम्पनी लिमिटेडले लाभांशको अजेण्डा पारित गर्न वार्षिक साधारण सभा डाकेको छ । कम्पनीको दशौं वार्षिक साधारण सभा आगामी चैत २९ गते काठमाण्डौ लैनचौरमा रहेको लैनचौर ब्याङक्वेटमा बिहान ११ बजे आयोजना हुनेछ ।
उक्त सभामा गत आवका लागि प्रस्तावित २.२२११ प्रतिशत बोनस सेयर र ०.११६९ प्रतिशत नगद लाभांश(कर प्रयोजनका लागि) गरी कुल २.३३८ प्रतिशत लाभांश वितरणको प्रस्ताव पारित गरिनेछ । सभामा कम्पनीको हालको जारी तथा चुक्तापूँजी वृद्धि गर्ने र बोनस सेयर वितरणबाट हालको जारी तथा चुक्तापूँजी ३७ करोड ६३ लाख १९ हजार पुर्याउने प्रस्ताव समेत पारित हुनेछ ।
.gif)
सभामा गत आवको वार्षिक प्रतिवेदनमाथि छलफल गरी पारित गरिनुका साथै २०८० असार मसान्तसम्मको सम्पूर्ण वित्तीय विवरणहरु पारित गरिनेछ ।
यस्तै सभामा चालु आवका लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्ताव समेत पारित हुनेछ ।
वार्षिक साधारण सभा तथा लाभांश वितरण प्रयोजनका लागि कम्पनीले आगामी चैत १६ गते एक दिनका लागि बुक क्लोज गर्ने निर्णय गरेको छ । यसर्थ चैत १५ गतेसम्म नेप्सेमा कारोबार भई कायम भएका सेयरधनीहरु मात्रै कम्पनीको लाभांश प्राप्त गर्न र सभामा सहभागी हुन योग्य हुनेछन् ।
.png)
.png)
.png)
.jpg)
.jpg)
(1).gif)
.gif)
