खरिद प्रणालीमा सुधारको संकेत, राष्ट्रपतिले ल्याए नयाँ अध्यादेश

काठमाण्डौ । राष्ट्रपति रामचन्द्र पौडेलले सरकारको सिफारिसमा सार्वजनिक खरिदसम्बन्धी नयाँ अध्यादेश जारी गरेका छन्। 

राष्ट्रपति कार्यालयका प्रवक्ता रितेशकुमार शाक्यका अनुसार “सार्वजनिक खरिद (दोस्रो संशोधन) अध्यादेश, २०८३” संविधानको धारा ११४(१) बमोजिम जारी गरिएको हो।

यसै दिन राष्ट्रपति पौडेलले सहकारीसम्बन्धी अर्को अध्यादेश पनि प्रमाणीकरण गरेका छन्। सरकारले थप केही अध्यादेशहरू(संवैधानिक परिषद्, केही नेपाल ऐन, स्वास्थ्य विज्ञान प्रतिष्ठान, विश्वविद्यालय तथा सार्वजनिक पदाधिकारी पदमुक्तिसम्बन्धी)राष्ट्रपतिसमक्ष पठाएको छ।

ती अध्यादेशहरूबारे भने राष्ट्रपतिले अझै अध्ययन गरिरहेको जनाइएको छ। सोही सन्दर्भमा उनले आजै शीतलनिवासमा केही कानुनविद्हरूसँग छलफलसमेत गरेका थिए।