प्रभु महालक्ष्मी लाइफको नाफा सामान्य बढ्यो, बीमाशुल्क आर्जन १८% ले बढ्यो

काठमाण्डौ । प्रभु महालक्ष्मी लाइफ इन्स्योरेन्स कम्पनी लिमिटेडको नाफा सामान्य बढेको छ । कम्पनीले चालु आवको तेस्रो त्रैमाससम्म २७ करोड ५० लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा १.६० प्रतिशतले बढी हो ।

कम्पनीले गत आवको तेस्रो त्रैमाससम्म २७ करोड ७ लाख रुपैयाँ खुद नाफा आर्जन गरेको थियो ।

कम्पनीले समीक्षा अवधिसम्म ४ अर्ब १५ करोड रुपैयाँ खुद बीमाशुल्क आर्जन गरेको छ । यो अघिल्लो आवको तुलनामा १८.८९ प्रतिशतले बढी हो । अघिल्लो आवको तेस्रो त्रैमाससम्म कम्पनीको खुद बीमाशुल्क आर्जन ३ अर्ब ४९ करोड रुपैयाँ थियो । कम्पनीको कुल आम्दानी पनि ४ अर्ब ५४ करोडबाट बढेर ५ अर्ब १६ करोड रुपैयाँ पुगेको छ ।  

त्यस्तै कम्पनीको कुल खर्च पनि ४ अर्ब २६ करोडबाट बढेर ४ अर्ब ८९ करोड रुपैयाँ पुगेको छ । समीक्षा अवधिसम्म कम्पनीले ३ अर्ब ९० करोड रुपैयाँबराबरको खुद दाबी भुक्तानी गरेको छ ।  

कम्पनीको महाविपत्ती कोषको आकार १३ करोड ८४ लाख रहेको छ । कम्पनीको रिटेन्ड अर्निङ ३३ करोड २१ लाख र सेयर प्रिमियम १ करोड ९३ लाख रुपैयाँ रहेको छ ।  

कम्पनीको प्रतिसेयर आम्दानी(ईपीएस) ६.९१ रुपैयाँ,प्रतिसेयर नेटवर्थ ११५.६० रुपैयाँ र पीई अनुपात ६९.७६ गुणा कायम भएको छ ।