मुक्तिनाथ विकास बैंकका ग्राहकलाई जेनो फार्मेसी र निरभाना फिजियो थेरापीमा विशेष छुट

काठमाण्डौ । मुक्तिनाथ विकास बैंकका ग्राहकले काठमाण्डौका दुईवटा स्वास्थ्य संस्थामा विशेष छुट पाउने भएका छन् ।  

बैंकले आफ्ना ग्राहकहरुलाई थप सेवा दिन काठमाण्डौ–३,लाजिम्मपाटमा मुख्य कार्यालय रहेको ‘जेनो फार्मेसी प्रालि’ र ‘निरभाना फिजियोथेरापी एण्ड वेल्नेस सेन्टर’सँग सम्झौता गरेको हो ।  

बैकले यी संस्थाहरुसँग विभिन्न औषधीहरु र स्वास्थ सम्वन्धी सेवाहरु (फिजियोथेरापी,ओस्टियोपैथी, नेचुरोप्याथी, प्राकृतिक चिकित्सा,आयुर्वेदिक चिकित्सा,अन्य)खरिद र डेलिभरीमा छुट प्रदान गर्ने गरी व्यवसायिक सम्झौता गरेको जनाएको छ ।  

यस व्यवसायिक सम्झौता पश्चात बैंकका कर्मचारीहरु र ग्राहकहरुले काठमाण्डौ—३,लाजिम्मपाट र भक्तपुर शाखा कार्यालयबाट विभिन्न औषधीहरु र स्वास्थ सम्वन्धी प्रोडक्टहरु खरिदमा विशेष २५ प्रतिशत सम्म छुट प्राप्त गर्न सक्नेछन् ।  

साथै, बैंकले विकास बैंकले प्रर्वद्धन गरेको नेपालको पहिलो सामुहिक लगानी कोष ‘मुक्तिनाथ म्युचुअल फण्ड’ आगामी मंसिर महिनाभित्र सार्वजनिक निष्काशनमार्फत् इकाईहरु बिक्रिमा ल्याउने जनाएको छ ।