नेपाल वेयरहाउजिङको आम्दानी २००३% ले बढ्यो ,अझै ५.५८ करोड घाटामा

Capital Market
आईतवार, भाद्र १,२०८२ 08:20:30

काठमाण्डौ । नेपाल वेयरहाउजिङ लिमिटेड ५ करोड ५८ लाख रुपैयाँ घाटामा रहेको छ । संस्थाले गत आवको चौथो त्रैमाससम्म यो घाटा व्यहोरेको हो । अघिल्लो आवको सोही अवधिसम्म पनि संस्था ५ करोड ८५ लाख घाटामा थियो ।

कम्पनीको आम्दानी २००३.३३ प्रतिशतले बढेको छ । कम्पनीले चौथो त्रैमाससम्म ३१ करोड ४० लाख रुपैयाँ कुल आम्दानी गरेको छ । अघिल्लो आवमा भने कम्पनीको आम्दानी १४ लाख ९२ हजार मात्रै थियो ।

यो अवधिमा कम्पनीको खर्च बढेको छ । कम्पनीको प्रत्यक्ष सञ्चालन खर्च २८ करोड ८० लाख, कर्मचारी खर्च १ करोड ३७ लाख, अन्य खर्च ६७ लाख ७५ हजार र वित्त खर्च ४ करोड ६८ लाख रुपैयाँ रहेको छ । ६८ करोड ७५ लाख रुपैयाँ चुक्तापूँजी भएको कम्पनीको कुल चालु सम्पत्ति १४ करोड ८९ लाख र कुल चालु दायित्व २१ करोड २२ लाख रहेको छ ।

समीक्षा अवधिसम्म कम्पनीको प्रतिसेयर आम्दानी ८.१३ रुपैयाँ ऋणात्मक, प्रतिसेयर नेटवर्थ ७४.३१ रुपैयाँ र मूल्य आम्दानी अनुपात १११.३२ रुपैयाँले ऋणात्मक कायम भएको छ ।