सिंगटी हाइड्रोको लिलामी सेयरको बोलकबोल आज खोलिने

काठमाण्डौ । सिंगटी हाइड्रो इनर्जी लिमिटेडले लिलामीमा राखेको अवितरित हकप्रद सेयरको बोलकबोल(गोप्य शिल्ड टेण्डर) खोलिने भएको छ ।

कम्पनीले लिलामीमा राखेको ४६ लाख कित्ता बढी अवितरित हकप्रद सेयरको बोलकबोल चैत २७ गते मंगलबार नक्सालमा रहेको ग्रिन लिभ्स रेष्टुरेन्टमा बिहान ८ बजे खोलिने भएको हो ।

कम्पनीले गत चैत १२ गतेदेखि २० गतेसम्म १ः१ अनुपातमा निष्कासन गरेको हकप्रदमा आवेदन नपरेको ४६ लाख ११ हजार ५३९ कित्ता सेयर लिलामीमार्फत बिक्रीमा राखेको थियो ।

बोलकबोल खोलिएको प्रत्यक्ष प्रसारण मुक्तिनाथ क्यापिटल फेसबुक लाइभ मार्फत हेर्न सकिने कम्पनीले जनाएको छ ।