.gif)
(2).gif)
(1).png)
_(1).gif)
काठमाण्डौ । यो साता सेयर बजारमा ४ दिन कारोबार भयो । ४ दिनमा बजार ३ दिन घट्यो भने १ दिन मात्रै बढ्यो । अघिल्लो साता २१३१.४९ को विन्दुमा बन्द भएको बजार यो साता २०६९.५३ मा बन्द भयो । यस हिसावले यो साता सेयर बजारमा ६१.९६ अंकको गिरावट आयो ।
अघिल्लो साता सेयर बजार ११२.७३ अंकले बढेको थियो । यो साता दोस्रो बजारमा १७.१२ अर्बको कारोबार भएको छ । अघिल्लो साता २२.९६ अर्बबराबरको कारोबार भएको थियो । यस हिसाबले यो साता पनि दोस्रो बजारमा नेप्से सूचक र कारोबार दुबै घट्यो । यो साता बजार पूँजीकरण ३२ खर्ब ८१ अर्ब पुगेको छ । अघिल्लो साता बजार पूँजीकरण ३३.१८ खर्ब रहेको थियो । यस हिसावले यो साता बजारमा गिरावट आँउदा बजार पूँजीकरण ३७ अर्बले घट्न पुगेको छ ।
प्राविधिक पक्षः
क्याण्डल स्टिकको आधारमा
यो साताको सेयर कारोबारको विश्लेष्णलाई हामीले मे महिनाको आज अन्तिम दिन पनि भएको कारण विभिन्न समय अवधिमा हेरेका छौ । जस अन्तर्गत मासिक , सप्ताहिक र डेली बेसमा पनि के–कस्ता क्याण्डलहरु बने भनेर विभिन्न इन्डिकेटरमार्फन लामो समय अवधिमा बजारको अवस्था नियाल्ने प्रयास गरेका छौं । साप्ताहिक र डेली बेसमा हेर्दा बजारमा केही अल्पकालिन करेक्सन चल्दै गरेको देखिन्छ ।
यसले आगामी सातामा पनि अझै एक–दुई दिन करेक्सन चलेर बजार सम्हालिन सक्ने सम्भावना देखिन्छ । इलिअट वेभ र फिवोनासीमार्फत संयुक्त रुपमा बजारलाई नियाल्दा हालको करेक्सन ०.३८ प्रतिशत अर्थात २०७५ बाट पनि तल खसेको अवस्था रहेको छ । अबको सर्पोट ०.५ प्रतिशतको करेक्सन भएर २०५० आसपासबाट बजारले फेरी माथिको गति लिन सक्ने विगतको बजारको ट्रेन्ड बाट पनि पुष्टि हुन्छ । किनकी वेभ २ को करेक्सन ०. ९९ प्रतिशत सम्म हुन सक्छ तर वेभ ४ को करेक्सन भनेको ०.५ भन्दा तल बजार जाँदैन भन्ने इलिअट वेभको सर्वमान्य सिद्धान्त हो । यसको अर्थ बजार यहाँबाट तल जानै पाँउदै भन्न भने खोजिएको होइन । यही बजारलाई डाउ थेउरीबाट हेर्दा पनि हायर–लो बनाउन आएको देखिन्छ ।
मन्थ्ली बेसमा बजारको अवस्थालाई नियाल्दा ३२ सय बाट खसेको बजारले केही क्यारेक्टर चेन्ज गरेको देखिन्छ । खास गरि बजारलाइ मन्थ्ली बेसमा हेर्दा यो पटक २०२३ को डिसेम्बरबाट बजारले अप ट्रेन्ड लिएको देखिन्छ । स्मरण रहोस् अघिल्लो बुल पनि २०१९ को डिसेम्बरबाट नै सुरु भएको थियो । गत वर्षको डिसेम्बर देखि मे सम्मको अवस्था हेर्दा बजार ६ महिनामा ४ महिना बढेको र २ महिना घटेको थियो ।
.gif)
मे महिनामा मात्रै बजार ७० अंकले बढेको छ । यो बीचमा भोल्युम र कारोबार पनि बढेको छ । मासिक रुपमा बोलिङगर ब्याण्डमार्फत हेर्दा गत डिसेम्बरदेखि नै बजार मध्य ब्याण्ड ब्रेक गरेर माथि टिकेको छ भने म्याक्डीमा पनि बुलिस क्रसओभर बनेर हिस्टोग्राम सकारात्मक बनेको देखिन्छ । मन्थ्ली बेसमा नै आरएसआई पनि न्युट्रल जोन ५० भन्दा माथि लागेको छ ।
डाउ थेउरीबाट नियाल्दा पनि बजारले १९५० मा हायर लो कन्फर्मेसन गरेको छ । यी सबै आधारहरुलाई नियाल्दा पछिल्लोपटक लामो समय वियरिसमा गएको बजारले लगभग बुलिस यात्रा तय गरि सकेको देखिन्छ । तर यसको कन्फर्मेसनको लागि नै भने मन्थ्ली बेसमा अझै एउटा बुलिस क्याण्डल बनेर बजार २२४० भन्दा माथि टिक्नु पर्ने छ ।
पिभट् बिश्लेषण
पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –२२८३
प्रतिरोध २ –२२१२
प्रतिरोध १– २१७१
पिभट प्वइन्टः २०९९
घटेमा सपोर्ट
सपोर्ट १– २०५९
सपोर्ट २– १९८७
सपोर्ट ३ –१९४७
निष्कर्षः साप्ताहिक रुपमा यो साता बजार करिब ६२ अंक घट्यो । अघिल्लो साता भने बजारमा ११२ अंकको सुधार आएको थियो । प्राविधिक रुपमा बजारलाई साप्ताहिक क्याण्डल स्टिकबाट नियाल्दा यो साता डार्क क्लाउड प्रकृतिको क्याण्डल स्टिक प्याट्रन बनेको छ । यसले हाल चलेको करेक्नस अझै केही दिन चल्न सक्ने देखिन्छ । अर्थात बजारमा अल्पकालिन करेक्सन देखिन्छ । यद्यपी बजारलाई लामो समय अवधिमा हेर्दा भने बजारले गत वर्षका डिसेम्बरदेखि नै विस्तारै अप ट्रेन्ड लिएको देखिन्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.jpg)
.jpg)
(197).jpg)
(59).jpg)
(1).gif)
.gif)
