.gif)
(2).gif)
_(1).gif)
काठमाण्डौ । यो साता सेयर बजारमा ५ दिन कारोबार भयो । ५ दिनमा बजार ३ दिन घट्यो भने २ दिन मात्रै बढ्यो । अघिल्लो साता २०६९.५३ को विन्दुमा बन्द भएको बजार यो साता २०७७.७८ विन्दुमा बन्द भयो । यस हिसावले यो साता सेयर बजारमा ८.२५ अंकले बढोत्तरी आयो ।
अघिल्लो साता बजार करिब ६२ अंकले घटेको थियो । यो साता दोस्रो बजारमा २०.७८ अर्बको कारोबार भयो । अघिल्लो साता भने १७.१२ अर्बबराबरको कारोबार भएको थियो । यस हिसावले यो साता दोस्रो बजारमा नेप्से परिसूचक र कारोबार दुबै बढ्यो । बजार बढ्दा यो साता बजार पूँजीकरण ३२ खर्ब ९४ अर्ब पुगेको छ । अघिल्लो साता बजार पूँजीकरण ३२.८१ खर्ब थियो । यस हिसावले यो साता बजारमा बढोत्तरी आँउदा १३ अर्बले बजार पूँजीकरण बढेको छ ।
प्राविधिक पक्षः
इचिमोकू
इचिमोकु क्लाउड इन्डिकेटर सन् १९६८ मा एक जापानिज नागरिकले प्रतिपादन गरेका थिए । प्रतिपादनसँगै यो इन्डिकेटर त्यहाँको एक अखबारमा प्रकाशित भएको थियो । यससँगै यो इन्डिकेटर संसारभर प्रयोगमा आउन पुग्यो ।
अन्य इन्डिकेटरजस्तै यसमा पनि विभिन्न रेखाहरु र क्यान्डल स्टिकको गतिलाई चार्टमा राखेर विश्लेषण गरिन्छ । जस अन्र्तगत यो साता पनि बजार क्लाउड पोजिसन भन्दा माथि चलेको छ । बेस लाइनलाई कन्भर्जन लाइनले तल बाट काटेर बुलिस नै रहेको छ । २६ दिन पछि चल्ने ल्यागिङ स्पान पोजिसन पनि क्लाउड पोजिसन भन्दा माथि चलेको छ । ( हेर्नुहोस पार्ट वान ) ।
त्यसैगरि, क्लाउडको पोजिसन पनि रातोबाट हरियो बनेको छ । ( हेर्नुहोस पार्ट २ )इचिमोकू क्लाउडअन्तर्गत यो साता पनि बजार मजबुत र बुलिस नै देखिन्छ ।
.gif)
बोलिङ्गर ब्याण्ड म्याक्डी र आरएसआई
डेली बेसमा बजारलाई बोलिङ्गर ब्याण्डको आधारमा हेर्दा अघिल्लो साता अपर ब्याण्डमा चलेको बजार यो साता पनि मध्य ब्याण्ड भन्दा माथि टिकेको छ । बजारलाई भोल्युममार्फत हेर्दा यो साता भोल्युम औषत भन्दा माथि दैनिक ४ अर्ब आसपास आएको छ । म्याक्डीमार्फत नियाल्दा भने यो साता डेली बेसमा वियरिस क्रसओभर देखिएको छ । आरएसआई ओभर बट जोन ७२ बाट खसेर हाल ५६ को तहमा चलेको छ । समग्रमा तीन वटै इन्डिकेटरबाट नियाल्दा बजारमा अल्पकालिन करेक्सन चल्दै गरेको देखिन्छ ।
पिभट् प्वइन्ट
पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –२३६५
प्रतिरोध २ –२२५९
प्रतिरोध १– २१६४
पिभट प्वइन्टः २०५८
घटेमा सपोर्ट
सपोर्ट १– १९६३
सपोर्ट २– १८५७
सपोर्ट ३ –१७६२
निष्कर्षः यो साता दोस्रो बजारमा ८.२५ अंकले बढोत्तरी आयो भने अघिल्लो साताको तुलनामा कारोबार पनि बढ्यो । दोस्रो बजारमा यो साता मात्रै नभएर यो महिना भरि नै ४ अर्ब माथि कारोबार भएको छ । यो साता उप–समूह अन्तर्गत हेर्दा माइक्रो फाइनन्स, ट्रेडिङ र म्युचुअल फण्डमा राम्रो बढोत्तरी आएको छ । लाइफ इन्स्योरेन्स , इन्भेष्टमेन्ट र फाइनान्समा सामान्य अकंको बढोत्तरी आएको छ भने बाँकी सबै क्षेत्रमा रातो पोतिएको छ ।
प्राविधिक रुपमा यो साताको बजारलाई नियाल्दा एउटा हायर–लो बनाउँदै गरेको देखिन्छ । आगामी कारोबारमा यदि बजार २०६० भन्दा माथि टिक्छ र २०९० लाई ब्रेक गरेर माथि लाग्छ भने बजारले अप ट्रेन्ड लिन सक्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
(197).jpg)
(59).jpg)
(1)(1).jpg){kind=logo}
(1).gif)
.gif)
