(1).gif)
(2).gif)
(1).gif)
.jpg)
.png)
काठमाण्डौ । आइतबार कार्ययोजना प्रस्तुतीकरण र अन्तर्वार्तामा उपस्थित नभएका नेपाल धितोपत्र बोर्ड(सेबोन)को अध्यक्ष पदका सर्टलिस्टेड उम्मेद्वारहरुलाई अर्थमन्त्रालयले आगामी बुधबार पुनः डाकेको छ ।
अर्थमन्त्रालयको वित्तीय क्षेत्र व्यवस्थापन तथा समन्वय महाशाखाले एक सूचना प्रकाशित गर्दै आइतबार उपस्थित हुन नसकेका उम्मेद्वारहरुलाई असार ५ गते बुधबार बिहान ९ बजे पुनः बोलाइएको हो ।
(2).gif)
.gif)
आइतबार सेबोन अध्यक्षमा सर्टलिस्टेड अन्तिम ५ मध्ये सन्तोषनारायण श्रेष्ठ र मुक्ति श्रेष्ठ मात्र कार्ययोजना प्रस्तुतीकरण तथा अन्तर्वार्ताका लागि पुगेका थिए ।
बाँकी ३ जनाले आइतबारको अन्तर्वार्ता बहिस्कार गरेका थिए । आइतबार नआउने तीनैजना सत्ताको नेतृत्व गरिरहेको माओवादी निकट पात्र हुन् ।
धितोपत्र बोर्डको अध्यक्ष आफूले नपाउने भएपछि र प्रमुख सत्ता साझेदार दल नेकपा एमालेले पाउने लगभग सुनिश्चित भएपछि अर्थमन्त्री वर्षमान पुनकै डिजाइनमा तीनजनाले आइतबारको कार्ययोजना प्रस्तुतीकरण र अन्तर्वार्ता बहिस्कार गरेका हुन् ।
२ जनाले बहिस्कार गरेसँगै अध्यक्ष छनौटमा जारी प्रक्रियामै कानूनी प्रश्न समेत उठेको छ । केही कानूनविदहरुले छनौट तथा सिफारिस समितिले कम्तीमा ३ जनाको नाम सरकारलाई दिनुपर्ने भनिएको र २ जना मात्र आई बाँकीले बहिस्कार गरेकोले जारी प्रक्रिया टुंगिएको र सेबोन अध्यक्ष नियुक्तिको नयाँ प्रक्रियाको थालनी हुनुपर्ने जिकिर गरिरहेका छन् । कानूनविदहरुको फरक फरक तर्कसँगै अर्थमन्त्रालयले भने जारी प्रक्रियालाई निरन्तरता दिंदै अनुपस्थितहरुलाई बुधबारका लागि डाकेको हो ।
आइतबार कृष्णबहादुर कार्की, चिरञ्जिवी चापागार्इं र डा. नवराज अधिकारी अनुपस्थित भएका थिए । नियोजित ढंगले प्रस्तुतीकरण र अन्तर्वार्तामा नआएका उनीहरुकै लागि बुधबारको मिति तोकिएको हो । बुधबार पनि उनीहरु नगए अध्यक्ष नियुक्तिको जारी प्रक्रिया के हुने भन्ने थप अन्यौल सिर्जना भएको छ ।
(1).gif)
.gif)
.gif)
(1).gif)
(2).gif)
.png)
.jpg)
