बजारमा उच्च करेक्सन भएकै दिन बने ३ नयाँ रेकर्ड !

Capital Market
मंगलवार, श्रावण २२,२०८१ 16:00:13

काठमाण्डौ । मंगलबार उच्च अंकले करेक्सन भएको बजारमा तीनवटा नयाँ रेकर्ड बनेका छन् ।

बजार घट्दा समेत नेप्सेमा भने तीनवटा पोजिटिभ रेकर्ड बनेका हुन् ।

यो दिन बजारमा सबैभन्दा धेरै कारोबारको नयाँ रेकर्ड बनेको छ। कुल २३ अर्ब ७१ करोड ६७ लाख बढीको कारोबार भएको छ । नेप्सेको इतिहासमा एउटै कारोबार दिन यति धेरै भोल्युममा यसअघि कहिल्यै कारोबार भएको थिएन ।

केही दिनअघि करिब २२ अर्बको कारोबारको नयाँ रेकर्ड बनेको थियो । त्यसलाई समेत ब्रेक गरी मंगलबार बजारले कारोबारको नयाँ इतिहास रचेको हो ।

यस्तै, यो दिन हालसम्मकै धेरैवटा कारोबार भएको रेकर्ड समेत बनेको छ । २ लाख ७१ हजार ५८७ वटा कारोबार भएका छन् । यो पनि हालसम्मकै उच्च कारोबार संख्या हो ।

यसैगरी, यो दिन कुल ५ करोड ३८ लाख ४४ हजार २३७ कित्ता कारोबार भएको छ । यो पनि नयाँ रेकर्ड हो । यसअघि नेप्सेमा कुनै पनि दिन यति धेरै कित्ताहरुको कारोबार भएको थिएन ।