(1).gif)
(2).gif)
.jpg)
_(1).gif)
.png)
काठमाण्डौ । युनिलिभर नेपाल लिमिटेडले गत आवको चौथो त्रैमाससम्ममा सन्तोषजनक प्रगति गरेको छ । कम्पनीले गत आवको चौथो त्रैमाससम्म १ अर्ब ९७ करोड रुपैयाँ खुद नाफा आर्जन गरेको छ । जुन अघिल्लो आवको सोहि अवधिको तुलनामा ७.६२ प्रतिशतले बढी हो । कम्पनीले अघिल्लो आवको चौथो त्रैमाससम्म १ अर्ब ८३ करोड रुपैयाँ खुद नाफा कमाएको थियो ।
यो अवधिमा कम्पनीको आम्दानी भने २.८४ प्रतिशतले घटेको छ । अघिल्लो आवको चौथो त्रैमाससम्म ८ अर्ब ४८ करोड आम्दानी गरेको कम्पनीले चालु आवको समीक्षा अवधिसम्म भने ८ अर्ब २३ करोड आम्दानी गरेको छ । यस्तै कम्पनीको अन्य आम्दानी भने बढेको छ । कम्पनीले २४ करोड ७ लाख रुपैयाँबराबरको अन्य आम्दानी गरेको छ । अघिल्लो आवसम्ममा भने कम्पनीले १९ करोड ३६ लाख रुपैयाँबराबरको अन्य आम्दानी गरेको थियो ।
.gif)
कम्पनीको कुल खर्च पनि ५.८० प्रतिशतले घटेको छ । अघिल्लो आवको चौथो त्रैमाससम्म ६ अर्ब ४३ करोड रुपैयाँ रहेको कम्पनीको खर्च घटेर ६ अर्ब ६ करोड रुपैयाँमा सीमित भएको छ ।
कम्पनीको रिटेन्ट अर्निङ ११.८२ प्रतिशतले बढेको छ । रिटेन्ड अर्निङको आकार ४ अर्ब २६ करोड रुपैयाँ रहेको छ । १ अर्ब ३ करोड रुपैयाँबराबरको नगद मौज्दात रहेको कम्पनीले मुद्दती निक्षेपमा २ अर्ब १८ करोड लगानी गरेको छ । कम्पनीको कुल चालु सम्पत्ति ५ अर्ब ४२ करोड रुपैयाँ र कुल चालु दायित्व २ अर्ब १९ करोड रुपैयाँ रहेको छ ।
समीक्षा अवधिसम्म कम्पनीको प्रतिसेयर आम्दानी(वार्षिकीकरण गरिएको)२ हजार १४४ रुपैयाँ रहेको छ । अघिल्लो आवको सोही अवधिसम्म कम्पनीको ईपीएस १ हजार ९८८ रुपैयाँ थियो ।
त्यस्तै कम्पनीको प्रतिसेयर नेटवर्थ ४ हजार ७३४ रुपैयाँबाट बढेर ५ हजार २८५ रुपैयाँ पुगेको छ ।
.png)
(1).png)
.jpg)
.jpg)
.png)
(62).jpg)
(1).gif)
.gif)
