पृथ्वी राजमार्गका २ ठाउँमा पहिरो, राजधानी आवतजावत गर्ने सवारी ठप्प

काठमाण्डौ । पृथ्वी राजमागको महादेवबेसी गजुरी सडक खण्ड अवरुद्ध भएको छ । अविरल वर्षका कारण खसेको पहिरोका कारण यो सडक खण्ड अवरुद्ध भएको हो ।

वर्षाका कारण सिम्ले बजार नजिकै चट्टान सहतिको पहिरो खसेको छ । जसका कारण सडक अबरुद्ध भएको छ।

सडक अवरुद्ध भएपछी राजधानी आवतजावत गर्ने सवारीका साधनहरु सडकमै रोकिएका छन् । यसैगरी चितवनको ईच्छाकामना गाउँपालिकास्थित बडा नम्वर ४ मा पर्ने घेप्टेभीरमा पनि पहिरोका कारण सडक बन्द भएको छ ।

पहिरोका कारण अवरुद्ध सडक खुलाउने प्रयास भईरहेको प्रहरीले जनाएको छ ।