मुक्तिनाथ क्यापिटलका सेयरधनीले पाउने भए ७.५% लाभांश

काठमाण्डौ । मुक्तिनाथ क्यापिटल लिमीटेडले आफ्ना सेयरधनीहरुलाई ७.५ प्रतिशतका दरले लाभांश प्रस्ताव पारित गरेको छ ।  

काठमाण्डौको बौद्धस्थित सिद्धार्थ बुटिक होटलमा असोज ११ गते कम्पनीको १५ औं वार्षिक साधारणसभाले सञ्चालक समितिबाट गरिएको ७.५ प्रतिशतका दरले लाभांश वितरणको प्रस्ताव पारित गरेको हो । 

क्यापिटलका अध्यक्ष शेखर बज्राचार्यको अध्यक्षतामा सम्पन्न साधारणसभाले लेखापरिक्षकको प्रतिबेदनसहितको २०८१ आषाढ मसान्तको वासलात र सोही मितिमा समाप्त आ.व.२०८०/०८१ को नाफानोक्सान हिसाब तथा नगद प्रबाह विवरण र सम्बन्धित अनुसूचीहरु छलफल गरी पारित गरेको छ।

सभाले विशेष प्रस्तावअन्तर्गत कम्पनीको नियमावलीमा आवश्यक संशोधनको प्रस्ताव समेत पारित गरेको छ ।