नबिल इन्भेष्टमेण्ट बैंकिङको अध्यक्षमा मनोज कुमार ज्ञवाली

काठमाण्डौ । नबिल बैंकका उप–प्रमुख कार्यकारी अधिकृत मनोज कुमार ज्ञवाली नबिल इन्भेष्टमेण्ट बैंकिङ लिमिटेडको अध्यक्षमा नियुक्त भएका छन् । ज्ञवाली कार्तिक ११ गतेदेखि लागू हुनेगरी अध्यक्षमा नियुक्त भएका हुन् ।  

आईकाईबाट चार्टर्ड एकाउन्टेन्टको उपाधि हासिल गरेका ज्ञवालीको नेपालको बैंकिंग क्षेत्रमा २ दशक भन्दा लामो विभिन्न अनुभव रहेको छ । जलविद्युत क्षेत्रमा एक वर्षको अनुभव भएका ज्ञवाली एक कुशल अनुभवि बैकर हुन् ।

नेपाल राष्ट्र बैंकमा उनले वित्तीय जोखिम व्यवस्थापन, नियामक अनुपालन, रणनीतिक योजना र वित्तीय विश्लेषणमा विशेषज्ञता प्रदर्शन गरेका छन् । मौद्रिक नीति र आर्थिक प्रवृत्तिहरुको गहिरो बुझाई रहेको उनको कार्यकायलमा कम्पनीलाई नयाँ उचाईमा पुर्याउन सफल हुने भन्ने अपेक्षा कम्पनीको रहेको छ ।