श्वेत गंगा हाईड्रोपावरको साधारण सभा आज बस्दै

काठमाण्डौ । श्वेत गंगा हाईड्रोपावर एण्ड कन्स्ट्रक्सन लिमिटेडको ८ औं साधारण सभा आज आयोजना हुँदैछ । कम्पनीको उक्त सभा काठमाण्डौको सुकेधारामा रहेको सेलिब्रेशन हाइटमा बिहान ११ बजेदेखि सुरु हुनेछ ।  

कम्पनीले गत आवका लागि सेयरधनीहरुलाई लाभांशको कुनै पनि प्रस्ताव नगरेकाले सभामा लाभांशको अजेण्डा पेश हुने छैन । सभामा कम्पनीको सञ्चालक समितिको ८ औं वार्षिक प्रतिवेदनमाथि छलफल गरी पारित गरिनेछ ।  

यस्तै कम्पनीको आव २०८०/८१ को लेखापरीक्षणको प्रतिवेदनसहित गत असार मसान्तसम्मको वासलात,नाफा नोक्सान हिसाब तथा नगद प्रवाह विवरण तथा सोसँग सम्बन्धी अनुसूचीहरुमाथि छलफल गरी पारित गरिनेछ ।  

सभामा चालु आवका लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्ताव समेत पारित गरिनेछ ।