सन नेपाल लाइफको हकप्रदमा पहिलो दिन कति पर्यो आवेदन ?

काठमाण्डौ । सन नेपाल लाइफ इन्स्योरेन्सको हकप्रद सेयरमा ६ हजार ७५७ कित्ताका लागि आवेदन परेको छ । सिडिएस एण्ड क्लियरिङ्ख लिमिटेडका अनुसार कम्पनीको हकप्रदमा पहिलो दिनमै ६२६ आवेदकले ६ हजार ७५७ कित्ताका लागि आवेदन दिएका हुन् ।  

कम्पनीको हकप्रदमा ६ लाख ७५ हजार ७०० रुपैयाँबराबरको आवेदन परेको छ । कम्पनीले आजदेखि हाल कायम चुक्तापूँजीको २७ प्रतिशत अर्थात् हाल कायम १ कित्ता शेयर बराबर नयाँ ०.२७ कित्ता अनुपातमा हकप्रद सेयर निष्कास गरेको छ ।  

कम्पनीले १ अर्ब ६ करोड ९६ लाख ३२ हजार रुपैयाँ बराबरको प्रतिशेयर १०० रुपैयाँ अंकित मूल्यका १ करोड ६ लाख ९६ हजार ३२० कित्ता हकप्रद सेयर निष्काशन गरेको हो । यो हकप्रदमा जेठ १९ गतेसम्म आवेदन दिन सकिनेछ ।

कम्पनीको हकप्रद निष्काशन तथा बिक्री प्रबन्धकको रुपमा नेपाल एसबिआई मर्चेण्ट बैंकिङ लिमिटेड रहेको छ । लगानीकर्ताले नेपाल धितोपत्र बोर्डबाट अनुमति लिई आस्वा सेवामा सहभागी बैंक तथा वित्तीय संस्थाहरुबाट सि आस्वा प्रणालीमार्फत पनि आवेदन दिन सक्नेछन् ।