नेप्सेमा थपियो साढे ३ लाख कित्ता बोनस सेयर

काठमाण्डौ । नेप्सेमा नेष्डो समृद्ध लघुवित्त वित्तीय संस्थाको बोनस सेयर सूचीकृत भएको छ । कम्पनीको वार्षिक साधारण सभाले पारित गरेको १४।२५ प्रतिशत बोनस सेयर आज सूचीकृत भएको हो ।  

सो प्रतिशत दरको कुल ३ लाख ६३ हजार ३७५ कित्ता बोनस सेयर सूचीकृत भएको हो । अब नेप्सेमा संस्थाको कुल सूचीकृत सेयर संख्या २९ लाख १३ हजार ३७५ पुगेको छ ।  

सूचीकृत बोनस सेयर भोलिदेखि नै धितोपत्र दोस्रो बजारमा कारोबार गर्न मिल्नेछ ।