(1).gif)
(2).gif)
.jpg)
(1).gif)
.png)
काठमाण्डौ । सिन्धु विकास बैंकको नाफामा उल्लेख्य सुधार आएको छ । बैंकले आज सर्वाजनिक गरेको गत आवको चौथो त्रैमासिक प्रतिवेदन अनुसार बैंकले ११ करोड ७८ लाख रुपैयाँबराबरको खुद नाफा आर्जन गरेको छ ।
यो रकम अघिल्लो आवको सोही अवधिको तुलनामा २८७.५९ प्रतिशतले बढी हो । गत आवको चौथो त्रैमाससम्म बैंकको खुद नाफा ३ करोड ४ लाख रुपैयाँ थियो । बैंकको खुद ब्याज आम्दानी भने ३०.१४ प्रतिशतले घटेर १३ करोड ३७ लाख रुपैयाँमा सीमित बनेको छ ।
यस्तै बैंकको खुद शुल्क तथा कमिशन आम्दानी समेत घटेको छ । अघिल्लो आवमा २ करोड १९ लाख रुपैयाँ रहेको खुद शुल्क तथा कमिशन आम्दानी घटेर १ करोड ४३ लाख रुपैयाँमा सीमित बनेको छ । बैंकको सञ्चालन मुनाफा समेत २ करोड ९६ लाखबाट बढेर १५ करोड ३५ लाख रुपैयाँ पुगेको छ ।
.gif)
यो अवधिमा बैंकको इम्पेयरमेन्ट चार्ज १७ करोड ९० लाख रुपैयाँले रिभर्सल भएको छ । यही कारण बैंकको खुद नाफामा सुधार देखिएको हो । बैंकको रिटेन्ड अर्निङ २० करोड ७५ लाख रुपैयाँले ऋणात्मक अवस्थामा रहेको छ भने रिजर्भमा १३ करोड ३४ लाख रुपैयाँ सञ्चित रहेको छ । समीक्षा अवधिमा बैंकको निक्षेप संकलन ५ अर्ब ८९ करोडबाट घटेर ५ अर्ब ६८ करोड रुपैयाँमा सीमित बनेको छ । कर्जा प्रवाह पनि ३ अर्ब ५८ करोडबाट घटेर ३ अर्ब २५ करोडमा खुम्चिएको छ ।
बैंकको वितरणयोग्य मुनाफा भने २० करोड ७५ लाख रुपैयाँले ऋणात्मक छ । अघिल्लो आवको चौथो त्रैमाससम्म १०.६३ प्रतिशत रहेको खराब कर्जा अनुपात भने घटेर ६.०३ प्रतिशतमा झरेको छ ।
समीक्षा अवधिसम्म बैंकको प्रतिसेयर आम्दानी(ईपीएस)२१.१५ रुपैयाँ, प्रतिसेयर कुल सम्पत्तिको मूल्य १ हजार १४५.३२ रुपैयाँ, प्रतिसेयर नेटवर्थ ८६.७० रुपैयाँ, मूल्य आम्दानी अनुपात ४०.९९ गुणा र तरलता अनुपात ४३.७२ प्रतिशत कायम भएको छ ।
.png)
(1)(1).png)
.jpg)
.jpg)
