(1).gif)
(2).gif)
(1).gif)
.jpg)
.png)
काठमाण्डौ । धितोपत्र बोर्डको अध्यक्षका लागि परेका आवेदनहरुको लागि सर्टलिष्ट गर्ने काम अझै केही समय लाग्ने भएको छ । हाल विदेश भ्रमणमा रहेका अर्थ सचिव कृष्ण हरी पुष्कर फर्के पछि धितोपत्र बोर्डको अध्यक्षको लागि दिएको आवेदनको सर्टलिष्टको काम हुने भएको छ ।
अर्थमन्त्रालय स्थित वित्तिय महाशाखामा प्रमूख नारयण रिसालले दिएको जानकारी अनुसार हाल अर्थ सचिव विदेश भ्रमणमा छन् । ‘अर्थ सचिव हाल विदेश भ्रमणमा हुनुहुन्छ । अर्को साता उहाँ फर्के पछि मात्रै छनौट समितिको बैठक बसेर आवेदकहरुको सर्टलिष्टको काम हुने भएको छ ।’ विजशालासँग उनले भने । रिसालले यस अघि सर्टलिष्ट भै सकेको भनेर विभिन्न सञ्चार माध्यममा आएका समाचारको मन्त्रालयले खण्डन गरेको बताए ।
(2).gif)
.gif)
धितोपत्र बोर्डका अध्यक्ष पदको लागि हाल १९ जनाको आवेदन परेको छ । ती आवेदकबाट अब सरकारले ५ जनाको नाम सर्टलिष्ट गर्ने छ । ती ५ जनाको नामबाट पनि ३ जनाको नाम छनौट समितिले सरकारलाई पठाउने छ । सरकारले ३ जनाबाट एक जनालाई धितोपत्र बोर्डको अध्यक्ष नियुक्त गर्नेछ । सरकारले अघिल्लो महिना १५ दिनको समय राखेर बोर्ड अध्यक्षको लागि आवेदन माग गरेको थियो ।
(1).gif)
.gif)
.gif)
(1).gif)
(2).gif)
.png)
.jpg)
