(1).gif)
(2).gif)
(1).gif)
.png)
काठमाण्डौ । स्वरोजगार लघुवित्त वित्तीय संस्था लिमिटेडले चालु आवको तेस्रो त्रैमाससम्म ७ करोड ३१ लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा ४०.३० प्रतिशतले बढी हो । अघिल्लो आवको सोही अवधिसम्म संस्थाले ५ करोड २१ लाख रुपैयाँ खुद नाफा आर्जन गरेको थियो ।
यो अवधिमा संस्थाको खुद ब्याज आम्दानीमा भने ०.४५ प्रतिशतको झिनो बढोत्तरी भएको छ । संस्थाले २६ करोड ३१ लाख रुपैयाँ खुद ब्याज आम्दानी गरेको छ । संस्थाको कुल सञ्चालन आम्दानी ३० करोड ९६ लाख र सञ्चालन मुनाफा ७ करोड २ लाख रुपैयाँ रहेको छ ।
(2).gif)
.gif)
यस्तै संस्थाको वितरणयोग्य मुनाफा ५ करोड ७० लाख रुपैयाँ रहेको छ । ६७ करोड ११ लाख रुपैयाँ चुक्तापूँजी भएको संस्थाको रिटेन्ड अर्निङ बढेको छ भने र रिजर्भ भने घटेको छ । संस्थाको रिटेन्ड अर्निङ ४ करोड ६५ लाखबाट बढेर ५ करोड ७४ लाख रुपैयाँ पुगेको छ । संस्थाको रिजर्भको आकार भने २४ करोड ३९ लाखबाट घटेर २१ करोड ६२ लाख रुपैयाँमा सीमित बनेको छ ।
तेस्रो त्रैमाससम्ममा ३ अर्ब ६० करोड रुपैयाँबराबरको निक्षेप संकलन गरेको संस्थाले ७ अर्ब ९९ करोड रुपैयाँबराबरको कर्जा प्रवाह गरेको छ ।
संस्थाको खराब कर्जा अनुपात घटेको छ । अघिल्लो आवको तेस्रो त्रैमाससम्म ६.६३ प्रतिशत रहेको खराब कर्जा अनुपात घटेर ५.७२ प्रतिशतमा झरेको छ । संस्थाको इम्पेयरमेन्ट चार्जका लागि ३ करोड ९९ लाख रुपैयाँ छुट्टाएको छ ।
समीक्षा अवधिसम्म संस्थाको प्रतिसेयर आम्दानी(ईपीएस)१४.५४ रुपैयाँ प्रतिसेयर नेटवर्थ १४०.७९ रुपैयाँ, प्रतिसेयर कुल सम्पत्तिको मूल्य १ हजार २९२.६२ रुपैयाँ, मूल्य आम्दानी अनुपात ४५.३२ गुणा र तरलता अनुपात ९.७७ प्रतिशत कायम भएको छ ।
(1).gif)
.gif)
.gif)
(1).gif)
(2).gif)
.png)
.jpg)
