मध्य भोटेकोशी जलविद्युतको घाटा १.१६ करोड, यस्तो छ वित्तीय अवस्था

काठमाण्डौ । चालु आवको पहिलो त्रैमाससम्म मध्य भोटेकोशी जलविद्युत कम्पनी लिमिटेड १ करोड १६ लाख रुपैयाँ घाटामा रहेको छ । कम्पनीअन्तर्गत एउटा मात्रै आयोजना रहेको र उक्त आयोजना निर्माणको चरणमा रहेको हुनाले आम्दानी हुन नसकेको हो ।  

मौज्दात रकमलाई विभिन्न बैंकको मुद्दती खातामा जम्मा गरी कम्पनीले १० लाख ११ हजार रुपैयाँबराबरको वित्त आम्दानी गरेको छ । यो अवधिसम्म कम्पनीको प्रशासनिक खर्च १ करोड २४ लाख र हा्रसकट्टी खर्च १ लाख ५७ हजार रुपैयाँ भएको छ ।  

कम्पनीले भोटेकोशी नदिको जलसम्पदा प्रयोग गरी १०२ मेगावाट क्षमताको जलविद्युत आयोजना निर्माणको काम अघि बढाएको छ । ६ अर्ब रुपैयाँ चुक्तापूँजी भएको कम्पनीको रिटेन्ड अर्निङ ४२ करोड ५ ९ लाख रुपैयाँले ऋणात्मक अवस्थामा छ । कम्पनीको कुल चालु सम्पत्ति ३४ करोड र कुल चालु दायित्व ५७ करोड ७१ लाख रुपैयाँ रहेको छ ।